Urruñak ‘Naturarekin Engaiatutako Lurraldea’ labela eskuratu du: biodibertsitatearen alde egiten dugun lanaren nazio mailako ezagupena. Herriko Biodibertsitatearen Atlasari esker, animaliak eta landaredia kartografiatzen ditugu, herriaren antolaketa bideratzeko eta gure bizi-eremua hobeki babesteko.
Eraginkorki babesteko, asmo onak ukaitea ez da aski: rigoer zientifikoa behar da. Erakunde berezituekin (ONF, CPIE) bideratu partaidetzek «Herriko Biodibertsitatearen Atlasa» (ABC) egitea ahalbidetu dute; gure animalien eta landarediaren kartografia zehatza da, antolaketa erabaki bakoitzerako egiazko iparrorratza eskaintzen duena. Hurbiltze berritzaile horri esker eskuratu da «Naturarekin Engaiatutako Lurraldea» (TEN) labela. Saria baino gehiago, nazio mailako ezagupen honek gure ekintza-plana berresten du eta herria Frantziako kolektibitate eredugarrienen artean kokatzen du ekologia arloan.
